Iha loron 7 fulan-Novembru, Departamentu Edukasaun Ajensia Mundial Anti-Doping (WADA) nian hala’o sesaun integrasaun (onboarding) ida-ne’ebé foka liu ba orientasaun ba parseiru sira husi Organizasaun Anti-Doping (ADO) liu husi prosesu revizaun no edisaun tradusaun iha Smartling, WADA nia plataforma jestaun tradusaun ne’ebe prefere liu. Sesaun ne’e ho objetivu atu ekipa partisipante sira ho kapasidade atu uza Smartling ho efetivu hodi lokaliza rekursu edukasaun anti-doping, hodi asegura katak rekursu hirak-ne’e tradús ho presizaun no adapta kulturalmemte ba audensia globál sira.
Durante onboarding, WADA nia ekipa hatudu funsaun esensiál sira iha Smartling nia laran, hanesan halo revizaun ba tradusaun sira, halo edisaun ne’ebé loloos, no asegura terminolojia konsistente iha materiál sira-nia laran. Vizaun jerál ida-ne’ebé komprensivu kona-ba tradusaun ne’e dezeña atu hasa’e kualidade no asesibilidade ba konteúdu edukasaun anti-doping, hodi fasilita kompriensaun klaru liu ba atleta no pesoál apoiu sira iha mundu tomak.
Ho orientasaun pratika ida-ne’e, WADA iha kompromisu atu apoia nia parseiru ADO sira hodi fornese edukasaun anti-doping ne’ebé multilingual, hodi promove asesu ne’ebé luan liu no impaktu ne’ebé kle’an liu iha promosaun desportu moos.